اسكريبت بقلم الست نور 2
- تيجي نطلق؟
- لأ تيجي نعمل مخطوبين؟
- إزاي؟
- يعني متجوزين في نفس الشقة بس هنرجع مخطوبين ونكسر الروتين!
- تحفة والله ونكسر ورا بعض قُلتين!
- أنا بقولك نرجع مخطوبين مش هنبقى منفصلين.
- سوري من الحماس سرحت.
من الحاجات اللي مش هندم عليها في اختياري لجوزي إني اخترته مجنون وأنا أجن منه، يعني مستعدين نعمل أي حاجة في سبيل نكسر الروتين حتى لو هنموت بعض.
- خُد دوق كده
- أدوق أي ده فول
- مانا غيرت في وصفته.
- اوعى الزوجة الكريتيڤ وريني كده أدوق
انتظرت أفهم منه أي إشارة بس تعابير وشه متفهمش هو زعلان ولا قرفان ولا بيستطعم ولا اتسمم ولا أي في ليلته دي، طب لو بتموت بالبطيء ارمش أروح أهرب على بيت أهلي لـ يتهموني شروع في قتـل.
- حاسس بأي؟
- تحسيه فول بس فيه حاجة غريبة مدياه إحساس إنه مصروف عليه
- ركز كده تاني
- فيه ريحة غريبة بس أنا عارفاها.
- أيوة هاا ريحة أي؟
- فراخ؟
- أيوة مانا حوجت الفول بزيت كنت محمرة فيه فراخ.
في لحظة كان جايب
- تعالي قربي.
- بدون لمس طيب.
- قربي.
- قول مش هلمسك وأنا هاجي.
- وأنتِ فاكرة الستارة اللي واقفة وراها دي هتحميكي مني؟
- أنت حر لو مقولتش مش هاجي.
- مش هلمسك.
- الراجل مربوط من كلمته حيث كده أنا ربطتك بكلامك.
مشيت بثقة ناحيته وأنا ماشية بغرور على أساس إنه مش هيعرف يلمسني ويضربني بس فجأة لقيتني متكومة على الأرض أتاريه سحب السجادة من تحت رجلي.
- أنت قولتلي مش هلمسك.
- بس محلفتش.
- أنت راجل جدع ومش هتضرب صح؟
- بتحطي زيت فراخ على الفول؟
- مانا حبيت أحوجلك الفول.
- تحوجيه بـ زيت كان فيه فراخ؟
- مانا قولت أكسر الروتين وأجرب ولو أنت مت لاقدر الله يبقى التجربة وحشة لو عشت يبقى قدر ولطف.
- ده أنا هكسر نفوخك دلوقتي.
جوزي ومحبش إلا هو، بيعاملني بـ طيبة وحنية وإحنا اتفقنا إن الحياة مش بتمشي على وتيرة
- خدي جربي الأنبوبة متركبة صح ولا.
- بالولاعة؟
- أيوة هتنجز.
- هات.
- استني.
بصلي بكل حب وخوف عليا وأنا الدمعة كانت هتفر من عيني لقيته بيقولّي:
- استني لما أنزل القهوة علشان لو الأنبوبة فرقعت في وشك.
- تصدق وتآمن ب أي؟ هتصدق إن شاء الله
- لا إله إلا الله
- أنت حلال فيك التسمم اللي عملتهولك.
- مانا بردهالك يحبيبة قلبي.
القط والفار لو شافونا كنا إديناهم أفكار كريتيڤ للمقالب والمشاكسة، بس طلع أن الحياة ملهاش طعم بدون ما نناكف في بعض وننكش شعور بعض.
- أنا زهقت منك
- وأنا أكتر مبقتش طايقاك
- طب والحل؟
- تيجي نطلق؟
- لأ تيجي نعمل مخطوبين؟
- إزاي؟
- يعني متجوزين في نفس الشقة بس هنرجع مخطوبين ونكسر الروتين!
- تحفة والله ونكسر ورا بعض قُلتين!
- أنا بقولك نرجع مخطوبين مش هنبقى منفصلين.
- سوري من الحماس سرحت.
- متسرحيش تاني.
بدأنا
- ناوليني الطبق ده.
- اتفضل.
- الأكل جميل تسلم أيدك
- بجد؟
- أها والله.
ومسك أيدي كـ علامة شكر سحبتها منه بسرعة وخضة وأنا خدودي حمرت وخجلت خجل المخطوبين:
- متمسكنيش من إيدي علشان متوضية امسكني من وسطي.
معرفش أي اللي حصل بعد كده بس اللي أعرفه إن قعد يضحك لدرجة شرق وتف الأكل من بوقه من كتر الضحك وأنا قومت أساعده يشرب وأنا ميتة ضحك وحقيقي مكنتش أعرف إن فكرة زي دي ترجعنا بذكريات خطوبتنا كده وتخلينا نعيش اللحظات دي من تاني.
- النهاردة عيد جوازنا التاني.
- أنا اشتريت فُستان جديد.
- وأنا كمان جبت طقم.
- وجيبتلك هدية
- وأنا كمان هقدمهالك بالليل على العشاء.
زيننا البيت وطبخنا سوا وجهزنا الأكل وهو كان بدأ يزين السفرة وكان جرس الباب رن استغربنا
