اسكريبت بقلم هنا حازم
فضلنا نضحك و نتكلم طول الطريق اول مرة اخد علي حد بالسرعة دي و اتبسط معاه جدا و اكتشفت حاجات كتير في شخصية احمد عمري ما لاحظتها او عرفتها كان بقالي كثير مضحكتش كده و لا اتكلمت مع حد كتير كده .
وصلنا و طلعت و من جوايا مكنتش عايزة الطريق يخلص
بقيت بشوف احمد كتير في الكافيه و بيطلب نفس طلب اول مرة و قالي في تاني مرة جه فيها اني اعملها بنفس بطريقة اول مرة .
و مرة ورا مرة بقيت انا اللي بعملها بنفسي و الكل كان مبسوط بشغلي و عايزيني اشتغل معاهم في المطبخ و المدير معترضش رجعت افتكر و اتقن الشغل بعد ما نسيته سنين و بقيت متعودة علي وجود احمد
كنت بتعلق بيه اكتر بس في نفس الوقت خايفة خايفة اتساب تاني و اسيب نفسي لقلبي..
بعد شهر
لقيت ندي فجأه فتحت باب اوضتي و في ايدها فستان
ايه ده انتي ايه اللي جابك!
قومي بس بسرعه مفيش وقت البسي ده.
ملحقتش اتكلم لقيتها طلعت علشان البس وجت بعدها حطتلي ميكب خفيف و أنا لحد الان مش فاهمه في ايه
علي الساعة ٧ طلعنا الصالة لقيت خالتي و احمد و أهلي قاعدين كلهم باصين ليا اتوترت و قعدت جنب ندي .
انا جاي اطلب ايد لمار من حضرتك يا عمي
بصتله بصدمه وقمت من مكاني
ايد مين انا مش موافقه!
و دخلت اوضتي بسرعة
تاني يوم لقيت بابا بيقولي ان احمد طلب يشوفني و هو مستني في البلاكونة
اتوترت و اترددت اطلع بعد اللي عملته امبارح .
دخلت و قعدت علي الكرسي اللي جنبه
ممكن اعرف رفضتيني ليه
فضلت ساكته و انا منزله راسي عشان عارفة لو اتكلمت هعيط
اتنهد و بصلي
لمار انا بحبك و من زمان بس انتي عندك ما عبرتيني او شوفتي الحب في عنيا او في كلامي معاكي انا عارف اللي حصل معاك و إنك خايفة و..
وانا كمان بحبك و اه لسه خايفة بس غصب عني
و انتي فكرة اني هقدر حتي افكر ازعلك و انا اللي استنيت منك نظرة
تراضي قلبي و استنيتك
عيطت عشان عارفة انه صادق في كلامه و عشان الحب باين في عيونه .
قام و قالي فكري براحتك و كنت عارفة ان ده الشخص الوحيد اللي مش عايزة اخسره فعلا .
استنيت اسبوع قبل ما ارد عليه
و بعتله علي الواتس
طبق الكيك الجاي هتاكله في بيتنا عشان البنات كترت في الكافيه .
رد بسرعة اكنه كان مستني الرساله
ايه
متطلعش إلا بالورد الأحمر و الجاتوه يكون شوكولاته
مش عايزة اعمل غير حاجة واحدة دلوقتي
ايه هي
اطلع عندك
احمد!!
قصدي لولاكي لولاها لموهبتك مكنتش دقت الكيك
لسه هعملك وصفات
في كلتا الحالات.
بقلم هنا حازم
