روايه كاملة للكاتبة المبدعه ميار ممدوح مكتملة لجميع فصول الرواية انقذني
المحتويات
ساعتها كنت هقول لنفسي ايه كنت هنام ازاي وانا ضميري مش مرتاح ومش راضية عن اللي عملته هو كبر الموضوع وانا واثقة ان اللي عملته صح حتى لو الموضوع ده كان السبب في إنه يطلقني
اخدت البنت ودخلتها عندي كانت صاحية وبعدين نيمتها تاني وفضلت ادفيها واغطيها واهتم بيها على قد ما اقدر
عدت ايام وشهور وانا بربي فيها وسميتها وعد واعتبرتها اخت شهد ساعتها كان بقا عندها 5 سنين..
في يوم لقيته راجع البيت تاني..
رجعني لعصمته وفضل يزن عليا كتير وانا عشان بحبه وافقت وكمان في طفلة مننا شهد ملهاش اي ذنب ان مامتها أو باباها بيبعدوا عن بعض ويبقي تأثير سلبي علي نفسيتها ..
_تعالي ي منال عايز اكلمك..
سبت شهد و وعد لحد ما ناموا وقفلت الباب وطلعتله
نعم ي محمود عايز حاجة
_انا موافق ان احنا نربي البنت دي وعارف اني اتسرعت ساعتها وطلقتك بس بشرط
ايه
_البنت دي لو ربيناها عمرها ما هتكون زي شهد شهد دي بنتنا حقيقي إنما وعد احنا اتبنيناها مينفعش نعملها على انها بنتنا احنا مش هنقولها الحقيقة فعلا لكن عمرها ما هتكون بنتنا بنتنا حاجة و هي حاجة معاملة دي مش هتبقى زي دي ولو عاملتيهم زي بعض انتي عارفة ايه اللي هيحصل ومش محتاج اقولك ساعتها هنبعد عن بعض ومش هنرجع ابدا وهاخد منك شهد
بتردد ماشي ي محمود
عدا ايام وكان بيكرهني فيها وكان بيخليني اعاملها معاملة وحشة وكأنها خدامة..
لحد ما شهد سمعتنا انا وهو بنتكلم وعرفت كل حاجة ونبهنا عليها انها متقولهاش
بس بعد ما شهد عرفت معاملتها اتغيرت مع وعد كانت بعتبرها حاجة أقل منها وكل يوم كانوا بيزعقولي عشان بعاملها كويس لحد ما كرهوني فيها كرهتها عشان كل حاجة وحشة حصلتلي كانت بسببها من اليوم ده كرهتها ومبقتش عارفة اعاملها كويس كنت بعاملها أسوء معاملة اتغيرت معاها وشخصيتي اتغيرت مع الوقت مبقتش زي الاول شخصيتي اتغيرت للاوحش مأدركتش كل ده الا لما عرفت انها اتجوزت محمد..
رجعت البيت ساعتها وحسيت انها ضاعت مني بعدها روحت البيت وقعدت وقفلت الباب عليا وقعدت اعاتب نفسي..
ليه
عملتيلها كده.. انا اللي وصلتها لكده هي ملهاش اي ذنب ان اللي اخدتها واحدة زيي كنت معاها اكتر من عدو دي لو كانت فضلت ساعتها في الشارع كان هيبقي ارحم ليها من اللي بتشوفه كل يوم في البيت ده انا مش عارفة أودي وشي منها فين بعد كل اللي كنت بعمله اكيد هي بقت پتكرهني انا هحاول ارجع معاها زي الاول وهعاملها كويس انا مش بعتبرها بنت غريبة لا انا بعتبرها بنتي..
Back....
كل ده حصل ي منال وانتي محكيتليش!! عموما انا عايزة اقولك ان هي بتحبك بتحبك اوي هي بس كانت مستنية معاملة كويسة منك ياريت تكلميها وتحكيلها كل حاجة هي لازم تعرف.. وعد دي أجمل من اي بنت.. ياريت كان ليا بنت زيها
قفلت المكالمة..
كان في حد بيخبط
عايزة حاجة ي حبيبتي
عايزة اعرف.
تعرفي اي
ازاي.
ازاي اي انا مش فاهمة حاجة
ازاي كنتي بتعامليني اسوء معاملة وكنتي بتضربيني كل يوم وتزعقيلي ودلوقتي العكس ازاي كنت پتكرهني ودلوقتي بقيتي بتحبيني رغم اني بحبك طول عمري وعمري ما كرهتك ولا حتي بسبب اللي كنتي بتعمليهولي ازاي كنتي حاجة و بقيتي حاجة ازاي اتغيرتي كده ي ماما.
سمعت كلامها وفضلت ادمع
حكيتلها كل حاجة وبعدين قولتلها..
انا اسفة ي وعد اسفة انا عمري ما هعاملك كده تاني ابدا انتي متستحقيش المعاملة دي انا اللي كنت شخص تاني ودلوقتي فوقت
اخدتها في حضڼي وفضلنا نعيط..
انا عمري ما هيكون ليا ف حياتي ام غيرك حتي لو انتي مش امي الحقيقية انا مسامحاكي ي ماما انا بحبك اوي.
ا انا بس كنت عايزة اقولك حاجة.
قولي ي حبيبتي
ماما اناا.. انا عندي کانسر.
ايه!!
________________________________________________
رأيكم
االبارت 6..
ماما اناا.. انا عندي کانسر.
ايه!!
لقيتها تعبت فجأة روحت سندتها وقعدتها علي كرسي وجبتلها كوباية ماية.
بحزنانا اسفة ي ماما مش قصدي اخضك كده بجد الف سلامة عليكي.
من امتي ي وعد عندك!! وازاي مقولتليش
من شهر و مقولتلكوش عشان كنت عارفة انكوا مش هتهتموا للموضوع.
طب وازاي جوزك معالجكيش
جوزي مين ي ماما!
محمد ي وعد انتي نسيتي ولا اي
محمد مش جوزي ي ماما.
بفرحةبجد امال ليه قولتيلي ان كلامه صح
هو مكنش عايزني ارجع تاني هنا عشان كده قال كده وانا قولت ان كلامه صح عشان محرجهوش.
خلاص يلا قومي البسي انا بقيت كويسة
البس ليه ي ماما.
هنروح عشان تكملي علاج
حاضر.
لبست بسرعة وخلصت وروحت للدكتور.
فضلت اتعالج شهور كتيرة واتوجع كل يوم بس صبرت لحد ما خفيت الحمدلله واكتر واحدة كانت واقفة جنبي ماما كنت ناوية اني استني لحد ما اخلص علاج وبعدها اروح اعترف لمحمد اني كدبت عليه عشان مش عايزاه يتأذي بسببي واني بحبه زي ما هو بيحبني.
عدت فترة كبيرة اوي بس كنت بتعالج فيها.
رجعت البيت وبقت العيلة كلها بتعاملني كويس وبابا كمان مع انه كان بيعاملني وحش بس دلوقتي الحمدلله العكس وشهد وماما وكله بقا كويس.
اصحي ي وعد عندي ليكي مفاجأة
صحيت من النوم مڤزوعة مفاجأة مفاجأة اي ي ماما
فيه عريس متقدم لباباكي
طيب الف مبروك.
بطلي هبل متقدملك قصدي يعني
اه إذا كان كده ما... ايه!! متقدم لمين.
ليكي
انا مش موافقة ي ماما.
ليه بس ي وعد هنفرح بيكي امتى
هو اسمه اي.
ليه هيفرق معاكي يعني
ايوة ي ماما قولي بقا.
اسمه مالك
انا مش موافقة.
مش موافقة عشان اسمه!!
لا لا بس انا.. بصراحة اناا بحب محمد ي ماما
محمد!!
اه.
مش هينفع ي وعد مش هينفع انسيه
انساه! انساه ليه ي ماما
هو كده
ومشيت وقفلت الباب.
فنفسيانا مش فاهمة حاجة هي
عند مامت وعد
مش هقدر مش هقدر اقولها ان محمد نساها ومروة مبلغاني ان خلاص فرحه بعد اسبوع
فضلت شهد قاعدة وبتفكر..
مالك ي وعود
..
ي وعد!!
نعم ي شهد.
مالك بتفكري ف اي
محمد محمد ي شهد مش عارفة اشوفه تاني ازاي وماما رافضة تماما.
بصي قوليلي هو ساكن فين وانا هروح معاكي بكرة
ازاي بس وماما مش موافقة.
انتي مش هتعملي حاجة انتي هتشوفيه من بعيد بس ولو ملقيتهوش تروحي بحجة تسلمي على طنط مروة
ي سلام عليكي ي شهد بتحليلي كل حاجة شكرا ربنا يخليكي ليا.
انتي عبيطة ي بت انتي بتشكريني على اي
وقولتلها ع العنوان
وروحنا تاني يوم مع بعض.
بصينا من بعيد بس ملقيناش حاجة.
تعالي نطلع
ماهو بس..
مفيش بس تعالي يلا
وطلعنا واللي فتحت الباب كانت طنط مروة فعلا وكان محمد مش موجود..
وعد حبيبتي ازيك عاملة ايه انتي وحشتيني اوي اوي وشهد عاملة ايه وحشتوني اوي يا حبايبي
ردينا احنا الاتنين..
الحمدلله يا طنط حضرتك عاملة ايه احنا كنا جايين نسلم على حضرتك ومحمد.
اهلا وسهلا اتفضلوا
وقعدنا...
تحبوا تشربوا ايه
لا شكرا يا طنط متتعبيش نفسك
تعبك راحة ياحبيبتي امال منال فين مجتش معاكوا ليه
لاا.. اصل ماما مشغولة شوية ف جيت انا ووعد نسلم علي حضرتك امال محمد فين
محمد ي بنتي مش موجود خرج هو وخطيبته يجيبوا حاجات الفرح
اټصدمت وكنت مش مصدقة اللي سمعته ده صح !!
اتجمعت الدموع ف عيني وتعبت فجأة.
مالك ي وعد ي حبيبتي الف سلامة
لاا.. اانا كويسة ي طنط شوية دوخة بس.. انا همشي بقا انا وشهد مع السلامة.
مع السلامة ي حبايبي وسلمولي علي منال.
يوصل ان شاء الله
نزلنا بسرعة وأول ما طلعت بره العمارة اڼفجرت من العياط.
خطب ي شهد خلاص خطب و نساني
اهدي ي وعد مش يمكن لو اتجوزتوا كان يحصل أي حاجة وربنا عمل كده عشان فيه حاجة احنا معرفهاش اهدي ي حبيبتي وممكن كمان يسيبها ويكون من نصيبك
يكون من نصيبي!! انتي بتهزري ي شهد دي بتقول راحوا يجيبوا حاجات الفرح مش بعيد يكون الفرح بكرة خلاص ي شهد محمد مبقاش ليا.
اهدي بس ويلا تعالي عشان نروح
بحزن ماشي يلا.
وصلنا البيت..
ازيك ي ماما احنا جينا
حبايبي كنتوا فين اتأخرتوا كل ده ليه
اصل احنا روحنا..
اا احم روحنا سلمنا على طنط مروة
كدا من غير ما تقولولي!
معلش ي ماما كنا ماشيين ف الطريق بالصدفة ف قولنا نعدي نسلم عليها.
متأكده انك روحتي تسلمي عليهاا هي..!
اا.. ايوة ي ماما طبعا امال هنروح نسلم على مين يعني.
دخلنا الاوضة بسرعة قبل ما تدخل في تفاصيل اكتر..
في بيت تاني
محمد حبيبي انت جيت
ازيك ي ماما عاملة ايه وحشتيني
وانت كمان ي حبيبي اتأخرت ليه انت وسارة كدا
معلش ي ماما بس دوخنا واحنا بندور عشان نجيب حاجات كويسة
كويس ي حبيبي المهم لقيتوا الحاجات
اه
اه صحيح نسيت اقولك وعد جت وسألت عنك
وعد!! هي جت لوحدها
لا معاها اختها
جت تسأل عليا ليه يعني
عادي ي حبيبي انتوا اخوات
اه
ودخل نام من التعب..
في بيت وعد
فضلت افتكر وادمع واحاول انساه بس مقدرتش عدا اسبوع ومكانتش بفارق تفكيري مكنتش بفكر غير فيه..
نزلت شوية اشم هوا من كتر الخانقة اللي انا فيها مبقتش قادرة اقعد في البيت..
نزلت ومشيت ناحية بيته عشان ابص عليه ولقيت فرح في الشارع..
يارب اللي في دماغي يطلع غلط
كان الفضول هيقتلني ودخلت اشوف مين اللي بيتجوز
محمد!!!!!
_______________________________________________
تفاعل عشانالبارت 7..
نزلت ومشيت ناحية بيته عشان ابص عليه ولقيت فرح في الشارع..
يارب اللي في دماغي يطلع غلط
كان الفضول هيقتلني ودخلت اشوف مين اللي بيتجوز
محمد!!!!!
كنت حاسة اني هيغمي عليا ومش قادرة امسك نفسي وعايزة حد يبقي معايا
طب ماما كنت عارفة ان دا هيحصل امال كنت مستنية ايه ايوة بس معرفش بردو انه في الثانية واللحظة دي
فجأة سمعت صوت تليفوني بيرن مكنتش قادرة ارد من الصدمة بس رديت..
ايوة ي وعد انتي فين
...
ي وعد
اا.. ايوة ي شهد انا معاكي اهو.
كنت عايزة اقولك حاجة ي وعد بس متضايقيش واهدي واتماسكي
قولي.
محمد ي وعد فرحه النهاردة
بحزنااه مانا واقفة قدام فرحه.
ايه!
ايوة ي شهد انا كنت نازلة اتمشي واشم هوا لقيت فرحه قدامي مش قادرة عايزة اعيط ي شهد حاسة ان هيغمي عليا
اهدي ي وعد كده ومتزعليش نفسك انا هجيلك دلوقتي حالا
لا لا خليكي انا هدخل اسلم عليه واباركله وامشي.
وقفلت التليفون من غير ما اسمع اي رد منها.
دخلت الفرح بس كان مش متكلف اوي روحتله وكان قلبي بيدق جامد.
الف مبروك ي عريس.
كان باصصلي وهو مصډوم وكان ف عنيه نظرات حزن.
الله يبارك فيكي ي وعد عقبالك
بعدها خرجت وانا مرهقة وقلبي بيتقطع روحت ع البيت علطول مقدرتش استحمل دخلت اوضتي وفضلت اعيط وافتكر لما كنا مع بعض ولما طلب يتجوزني وانا موافقتش وضميري أنبني.
فضلت اعيط لحد مانمت..
في بيت محمد
وسارة..
محمد كان بيفكر ف وعد طول الوقت ومبتفارقش تفكيره مبيفكرش ف حاجة غيرها ومكانتش بينام هو مبيحبش سارة بس اتجوزها عشان تنسيه وعد و يمكن يحبها وتسعده
تاني يوم
في بيت وعد..
ي وعد انا وماما خارجين مش هتيجي معانا
...
كفاية انتي حابسة نفسك طول اليوم وقومي معانا شمي شوية هوا
سيبوني لوحدي ي شهد انا مش عايزة اخرج.
ي بنتي تعالي معانا واخرجي من الخنقة دي
معلش ي ماما انا كويسة كدا.
براحتك ي حبيبتي
نزلوا وفضلت وعد قاعدة لوحدها في البيت مش لاقية حاجة تعملها غير انها بتفتح تليفونه تشوف صور الفرح بتاعت محمد وسارة..
عند محمد..
محمد ي حبيبي اصحي
..
ي محمد كفاية نوم بقا
ايوة انا صحيت اهو
صباح الخير ي حبيبي
صباح
الباب كان بيخبط قامت سارة وفتحت الباب..
ازيك ي حبيبتي عاملة ايه مع عريسك
الحمدلله ي ماما انتي عاملة ايه وحشتيني اووي انا ومحمد لسه صاحيين اهو
طيب ي حبيبتي اعمليله الفطار بقي
حاضر
وعملت الفطار..
مالك
متابعة القراءة
